ქალაქის უმშვენიერეს ადგილას, ფერდობზე, ტყის პირას, მდებარეობს ღვინის საწარმო- „ვაინერი გურჯაანი“, რომელიც თავმომწონედ გადმოჰყურებს  კავკასიონის მთების ულამაზეს პანორამას. 

ვაინერი გურჯაანი ორიენტირებულია ღვინის  როგორც უახლესი ტექნოლოგიებით, ასევე ძველი ქართული ტრადიციული მეთოდით დამზადებაზე. 

ქარხანა უახლესი ტექნოლოგიებით, კერძოთ უჟანგავი ფოლადის თერმომადუღრებით, პნევმატური პრესებით,  მძლავრი სამაცივრე სისტემებითა და ფილტრებითაა აღჭურვილი.  ალკოჰოლური დუღილის შემდგომ ღვინო ფრანგულ მუხის კასრებში ვარგდება.

საწარმოს ტერიტორიაზეა სარდაფი, სადაც ბოთლში ჩამოსხმული ღვინის დაძველება  ხდება, პროცესის ოპტიმიზაციისთვის სარდაფში ტემპერატურა 12-14°C ფარგლებში მერყეობს.

საწარმოში ასევე კახური ტრადიციული მეთოდით, ქვევრში იწურება ყურძენი, სწორედ ქვევრში მიმდინარეობს ალკოჰოლური დუღილი, რის შემდგომაც ხდება პოსტფერმენტული მაცერაცია. ამის შემდგომ ღვინო კვლავ ქვევრში ვარგდება.

საწარმოში მდებარეობს ღვინის სპირტის  და ტრადიციული ყურძნის არყის - „ჭაჭის“ სახდელი საამქრო, რომლისგანაც უმაღლესი ხარისხის ნედლეული მიიღება. 

ქარხნის ტერიტორიაზეა ასევე  თანამედროვე ინფრასტრუქტურით აღჭურვილი ღვინის ლაბორატორიაა, რომლის მეშვეობითაც ჩვენი ღვინოები მუდმივად და გულმოდგინედ კონტროლდება,  როგორც ქიმიურად ასევე მიკრობიოლოგიურად.  

წარმოების თითოეული ოპერაცია მეღვინის მეთვალყურეობისა და პირადი ჩართულობის ქვეშ ხდება, რომელსაც ევროპის წამყვან უნივერსიტეტებში აქვს განათლება მიღებული.

„ვაინერი გურჯაანი“ ორიენტირებულია, მხოლოდ და მხოლოდ, ხარისხზე.  საწარმოში მხოლოდ  საუკეთესო მიკროზონებში მოკრეფილი ყურძნის გადამუშავება ხდება. სწორედ ეს უმნიშვნელოვანესი ფაქტორი და თანამედროვე ტექნიკა,  კვალიფიციურ და პროფესიონალ ერთ მუშტად შეკრულ გუნდთან ერთად, ხდება იმის უტყუარი პირობა, რომ ჩვენი  ღვინოები ასეთი განსაკუთრებული და საოცარია...